Saltanatty rásím mańyzdy sharaǵa tán dástúrler saqtala otyryp ótkízíldí, dep habarlaıdy aqshamnews.kz tílshísí.
Abaı oblysy boıynsha QAJ departamentíníń qauípsízdígí barynsha tómen mekemesínde 28 jastaǵy sottalǵan azamat súıíktísímen resmı túrde nekesín qıdy. Būl kún jas jūbaılar úshín bírge ómír súrudíń jańa kezeńíníń bastauy árí shynaıy sezímníń araqashyqtyqty, uaqytty jáne ómír synaqtaryn eńsere alatynynyń sımvolyna aınaldy.
Neke Semeı qalasynyń AHAT bólímínde mekeme qyzmetkerleríníń qatysuymen Qazaqstan Respublıkasynyń “Neke (erlí-zaıyptylyq) jáne otbasy turaly” kodeksíníń talaptaryna sáıkes tírkeldí. Saltanatty rásím mańyzdy sharaǵa tán dástúrler saqtala otyryp ótkízíldí.
Pavlodar qalasynyń 28 jastaǵy tūrǵyny tórt jyl būryn alayaqtyq jasaǵany úshín bes jyl merzímge bas bostandyǵynan aıyrylǵan. Mekemede jazasyn óteu kezínde ol bes jyldan astam uaqyttan berí tanys bolyp kele jatqan súıíktí áıelíne úılenu nıetí bar ekenín qyzmetkerlerge aıtqan.
– Bízdíń tarıhymyz bes jyldan astam uaqyt būryn bastaldy. Ol meníń būrynǵy áríptesím bolatyn. Keıín ol ajyrasyp ketkennen keıín bíz áleumettík jelíler arqyly aralasa bastadyq, uaqyt óte kele kezdesíp júrdík. Men bas bostandyǵymnan aıyrylǵan kezde de ol mení árdaıym qoldap, kezdesuge kelíp, moraldyq tūrǵydan demeu kórsettí. Onyń menen terís aınalmaı, mení kútkení men úshín óte mańyzdy. Men otbasylyq ómírímízdíń mekeme qabyrǵasynda bastalǵanyn qalamadym. Osy uaqyt boıy jazamnyń ayaqtalatyn uaqytyn kúttík. Jaqynda bostandyqqa shyǵamyn. Al búgín bíz resmı túrde erlí-zaıypty atandyq. Endí mení áıelím men onyń úsh balasy kútedí. Bíz úshín mańyzdy bolǵan osy kúndí ūıymdastyruǵa kómektesken mekeme qyzmetkerleríne alǵysymdy bíldíremín. Bostandyqqa shyqqannan keıín onyń senímín aqtap, berík otbasy qūryp, ómírímdí jańa paraqtan bastaı alamyn dep úmíttenemín, — dedí sottalǵan.
Mekeme bastyǵynyń míndetín atqarushy Rustem Berlıbekov saltanatty rásím turaly oıymen bólístí.
– Otbasy sottalǵan azamatty qaıta áleumettendíru úderísínde mańyzdy ról atqarady. Jaqyndarynyń qoldauy adamnyń qoǵammen baılanysyn saqtauǵa, óz ís-áreketterín qaıta baǵalauǵa jáne bolashaqqa jospar qūruyna yqpal etedí. Sondyqtan sottalǵan azamat zań ayasynda nekesín resmı túrde tírkeuge nıet bíldírgen jaǵdaıda, bízdíń míndetímíz – osyndaı sharany ūıymdastyruǵa qajettí kómek kórsetu. Búgíngí neke qıyu rásímí būl jūp úshín mańyzdy ómírlík oqıǵa boldy. Otbasynyń qoldauy sottalǵan azamattyń túzeluíne jáne bostandyqqa shyqqannan keıín qoǵamǵa oıdaǵydaı beıímdeluíne qosymsha yntalandyru bolady dep senemíz. Jas jūbaılarǵa ózara túsínístík, syılastyq, otbasylyq amandyq jáne baqytty bolashaq tíleımíz.