Almatyda «Ūly Jíbek Joly» baletíníń premerasy óttí.
Abaı atyndaǵy Qazaq ūlttyq opera jáne balet teatrynda kórermen kóp jınaldy. Joǵary klassıkalyq ónerdí baǵalaıtyn almatylyqtar men qala qonaqtary Áıgerím Erkebaevanyń muzykasymen qoıylǵan ekí bólímdí «Ūly Jíbek joly» baletín tamashalauǵa keldí. Premeranyń ıdeyasy, lıbrettosy men horeografıyasy Qazaqstannyń halyq artısí Gúljan Tútkíbaevaníkí.
Qoıylym fılosofıyalyq prıtcha men zamanauı metaforany toǵystyrady: spektakl suyq tsıfrlyq bolashaqta, adamdar bír-bírínen oqshaulanǵan álemde bastalady.
Jaı ǵana keruendí kórsetu zamanauı kórermenge qyzyq emes. Būl jerde óz kontseptsıyańdy tabu mańyzdy. Men Jíbek joly dáuíríne alys bolashaqtyń prızmasy arqyly qaraudy jón kórdím, — deıdí Gúljan Tútkíbaeva.
Onyń aıtuynsha, balet dástúrdíń qūndylyǵy men adam júregíníń jyluy turaly oı qozǵaıdy.
Naǵyz sezímderdí saqtap qalǵan Jígít zamany ótken Qartqa jolyǵady. Qart ony ótken shaqqa — jandanyp tūrǵan Shyǵys álemíne jeteleıdí: keruen-saraı, bazar, saudagerler tírshílígí. Osy jerde ol páktík sımvoly — Aksūnqar qyzdy kezdestíredí. Alaıda qıyal-eles beınesíndegí aınashy kópes qyzdy ūrlap áketedí.
Ekínshí aktíde keıípker syn-qaterlerden ótíp, nápsí men arbaularmen kúresíp, íshkí jaryǵyn tabady. Ol antagonıstí jeńgenímen, Aqsūnkar joǵalyp ketedí, tek sáulesí ǵana qalady. Bolashaq megapolısíne oralǵan Jígít ótkenníń nūryn adamdarǵa ákeledí — qala da bírtíndep jandana bastaıdy.
Aqsūnkar partıyasynyń oryndaushysy Janel Túkeeva óz keıípkerí turaly oı bólístí:
Būl — jaryq, jas árí názík qyzdyń beınesí. Jígít ony bılík, baılyq, azǵyrulardan ótíp ízdeıdí. Ol qyzdyń janyn qūtqarǵanymen, kesh qalady. Soǵan qaramastan, óz zamanyna adamgershílíktí qaıtarady. Balerınanyń aıtuynsha, joba onyń júregíne jaqyn bolǵan.
– Men būl jūmysqa ıdeyanyń tuu sátínen bastap qatystym, — dedí ol.
Premera dástúr men zamanauılyqty toǵystyrǵan jarqyn mádenı oqıǵaǵa aınaldy.