Qazaqstan Premer-mınıstríníń orynbasary – ūlttyq ekonomıka mınıstrí Serík Jūmanǵarın 2024 jylǵa qatysty qosymsha tabysy turaly kópshílíkke ashyq esep berdí, - dep habarlaıdy aqshamnews.kz tílshísí.
Málímetter mınıstrlíktíń saıtynda jarıyalanǵan. Esepke sáıkes, Jūmanǵarın salyq deklaratsıyasynda 88 678 984 teńge kólemíndegí somany kórsetken. Qūjatta mınıstrdíń jūbaıy da atalǵan, alaıda naqty soma kórsetílmegen.
Būl qandaı aqsha?
Esepte tek qosymsha tabys kórsetílgen - yaǵnı mınıstrdíń jeke tūlǵa retínde salyqty ózí tóleıtín kírísterí. Basqasha aıtqanda, būl jerde resmı jalaqy eskerílmeıdí.
Jūmanǵarınge qatysty esepte tabys baǵaly qaǵazdar naryǵyna ınvestıtsıya saludan túskení jazylǵan. Demek, sóz dıvıdendter men syıaqylar turaly bolyp otyr (mınıstr olardy deklaratsıyada kórsetken).
Memqyzmetkerlerge arnalǵan eseptílík jeńíldetíldí
Būǵan deıín Memlekettík qyzmet ísterí agenttígí jarıyalanuǵa míndettí kírís pen múlík turaly málímetterdíń jańa tízímín bekítken. Onda tek úsh baǵan qaldyrylǵan:
-
deklaratsıya tapsyrushynyń jáne onyń jūbaıynyń tegí, aty, ákesíníń aty;
-
esep beríletín salyq kezeńí;
-
salyq salynatyn kírístíń jalpy somasy.
Būryn memlekettík qyzmetshíler shottardaǵy qarajatty (onyń íshínde sheteldík bankterdegí), sondaı-aq múlíktí satudan túsken paıda men ózge kírísterdí de kórsetuge míndettí bolǵan.