8 sáuírde Qazaqstannyń bírqatar óńírínde aua raıy kúrt qūbylyp, jańbyr jauyp, naızaǵaı oınap, jel kúsheıedí. Sınoptıkter Astana, Almaty, Shymkent qalalarynda jáne eldíń 16 óńírínde dauyldy eskertu jarıyalady, – dep habarlaıdy aqshamnews.kz tílshísí.
Osyǵan baılanysty sınoptıkter Astana, Almaty, Shymkent qalalary men 16 óńírde dauyldy eskertu jarıyalady.
Astanada jańbyr jauyp, kúndíz naızaǵaı bolady. Jeldíń ekpíní sekundyna 15 metrge deıín jetedí.
Aqmola, Soltústík Qazaqstan, Qostanaı, Pavlodar, Qaraǵandy, Ūlytau, Shyǵys Qazaqstan jáne Abaı oblystarynda jańbyr, tūman, naızaǵaı jáne ekpíndí jel kútíledí. Keı aımaqtarda jeldíń jyldamdyǵy 15–20 m/s deıín kúsheıedí. Qaraǵandy men Abaı oblystarynyń ońtústígínde joǵary órt qaupí saqtalady.
Almaty oblysynda, sondaı-aq Almaty qalasy men Qonaevta joǵary órt qaupí saqtalyp otyr. Óńírdíń tauly aumaqtarynda naızaǵaı oınap, jel kúsheıedí.
Jambyl, Túrkístan, Qyzylorda oblystary men Shymkentte de aua raıy tūraqsyz bolady. Keı jerlerde qatty jańbyr jauyp, naızaǵaı, būrshaq, dauyl jáne qatty jel boljanyp otyr. Shymkent pen Túrkístanda joǵary órt qaupí de saqtalady.
Sonymen qatar Aqtóbe, Atyrau, Mańǵystau jáne Batys Qazaqstan oblystarynda da naızaǵaı, tūman jáne ekpíndí jel kútíledí.
Sınoptıkter tūrǵyndarǵa aua raıynyń kúrt ózgeruíne baılanysty saqtyq sharalaryn ūstanuǵa keńes beredí.