Aqshamnews.kz redaksıasy "Kún sany" aıdarynda apta ishinde bolǵan eń ózekti oqıǵalarǵa sholý usyndy.
Qazaqstanda 75 jańa mamandyq paıda boldy
Qazir jańa mamandyqtar Atlasynda Mınıstrlik jetekshilik etetin salalar boıynsha 75 jańa mamandyq bar. Bul týraly Úkimet otyrysynda Ónerkásip jáne qurylys vıse-mınıstri Iran Sharhan málimdedi.
"Mysaly, metalýrgıa jáne taý-ken óndirisi salasynda smart júıelerdi ázirleýshi, robottandyrylǵan taý tehnıkasynyń operatory, mashına jasaý salasynda – vırtýaldy prototıpteýshi mamany, qurylysta – Big Data taldaýshysy, "Aqyldy úı" jobalaýshysy sıaqty jańa mamandyqtar paıda boldy. Sonymen qatar, bıznes prosesterdi avtomattandyrýǵa baılanysty 40-tan astam mamandyq ózgeredi", - dedi Iran Sharhan.
Úkimet Qyzylorda oblysyndaǵy egin alqaptaryn sýmen qamtýǵa 1 mlrd teńge bóldi.
Prezıdent Qasym-Jomart Toqaevtyń agrarlyq sektordy turaqty túrde sýmen qamtamasyz etý boıynsha bergen tapsyrmasyn iske asyrý aıasynda Úkimet rezervinen Qyzylorda oblysynyń qajettilikteri úshin 53 jyljymaly dızeldi sorǵy stansasyn satyp alýǵa shamamen 1 mlrd teńge bólindi. QR Premer-mınıstri Oljas Bektenov tıisti qaýlyǵa qol qoıdy.
Óńirde 126,4 myńnan astam gektar jerge sýarmaly egin egilgen, onyń 82,4 myń gektary kúrish. Aǵymdaǵy sýarý maýsymynda josparlanǵan sý kólemi 2,5 mlrd tekshe metr.
Jyl aıaǵyna deıin 175 jańa jolaýshylar vagonyn satyp alý josparlanyp otyr.
Premer-mınıstrdiń birinshi orynbasary Roman Sklár Úkimette ótken baspasóz konferensıasynda elimizde birqatar iri temirjol jobasy iske asyrylyp jatqanyn aıtty.
Máselen, "Dostyq – Moıynty" jáne "Almaty qalasynyń aınalma joly" jobalary aıaqtalý satysynda. Kelesi jyly "Moıynty – Qyzyljar", "Darbaza – Maqtaaral" jobalary aıaqtalady. Al 2027 jyly "Baqty – Aıagóz" jobasy iske qosylady.
Astanadaǵy Djeı Lonyń konsertine 25 myńnan asa adam bılet alǵan.
Djennıfer Lopestiń Astanadaǵy konsertine 25 myńnan astam kórermen kelmek. Onyń 15 myńnan astamy sheteldik týrıserge buıyrǵan. Bul týraly konsert uıymdastyrýshylary aıtty.