Sý resýrstary jáne ırrıgasıa mınıstrligi bıyl sý salasy mamandyqtarynyń tartymdylyǵyn arttyrý úshin birqatar is-sharalardy júzege asyrdy.
Máselen, «Bolashaq» baǵdarlamasyna ózgerister engizilip, oǵan sý salasynyń mamandyqtary qosyldy. Nátıjesinde, qazaqstandyq stýdentter atalǵan mamandyqtar boıynsha shetelde bilim alý múmkindigine ıe boldy, dep habarlaıdy aqshamnews.kz.
«Sý sharýashylyǵy salasyna jas mamandardy tartý jáne qyzmetkerlerdiń biliktiligin arttyrý mınıstrlik jumysynyń basym baǵyttarynyń biri bolyp tabylady. Bıyl 9 joǵary oqý ornymen yntymaqtastyq týraly memorandýmǵa qol qoıdy. Osynyń nátıjesinde, 80 stýdent «Qazsýshar» fılıaldarynda óndiristik tájirıbeden ótti. Budan bólek, sheteldik áriptes ýnıversıtettermen qos dıplomdyq jáne birlesken bilim berý baǵdarlamalaryn damytý jóninde is-sharalar qabyldanady»,- dedi QR SRIM Ǵylym jáne ınovasıalar departamentiniń dırektory Múslim Jıenbaev.