Aqshamnews.kz redaktsıyasy "Kún sany" aıdarynda aptanyń eń mańyzdy derekteríne sholu jasady.
33 eldí meken Abaı atymen atalǵan
Pavlodardan bastap Jetísuǵa, Túrkístannan Qaraǵandyǵa deıín – Pavlodar, Aqtóbe, Qostanaı̆, Jetísu, Abaı̆, Túrkístan, Qyzylorda, Atyrau, Qaraǵandy, Jambyl, Almaty, Soltústík Qazaqstan, Batys Qazaqstan oblystaryndaǵy 33 eldí mekení Abaı esímímen atalady.
Úkímet "Mańǵystau" turıstík aımaǵyn damytudyń 2025–2029 jyldarǵa arnalǵan keshendí josparyn bekíttí
Aqtauda teńíz vokzaly men halyqaralyq deńgeıdegí stadıon salu josparlanǵan.
Jospar júzege asyrylǵannan keıín 2029 jylǵa qaraı íshkí turıster sany 430 myńnan 520 myń adamǵa, al kelushí turıster sanyn 89 myńnan 143 myń adamǵa deıín artady dep kútíledí.
Ana ólímí 10 paıyzǵa tómendegen
Densaulyq saqtau mınıstrlígíníń málímetínshe, 2025 jyldyń 6 aıynda ana ólímí deńgeıí 10 paıyzǵa, náreste ólímí 26,3 paıyzǵa tómendegen.
Shalǵaıdaǵy auyldar ınternetpen qamtamasyz etíledí
Úkímet otyrysynyń qorytyndysy boıynsha ótken baspasóz máslıhatynda QR tsıfrlyq damu, ınnovatsıyalar jáne aeroǵarysh ónerkásíbí vıtse-mınıstrí Dmıtrıı Mun ınternetke qol jetkízuí qıyn eldí mekenderdí qamtamasyz etu jóníndegí jūmystyń barysy turaly aıtty.
"Bízde 6 myń eldí meken bar, olar ınternetke qol jetkízu qıyn dep belgílengen. Búgíngí tańda 2,5 myńnan astamy ınternetpen qamtamasyz etílgen. "Qazaqtelekom" kompanıyasymen qol qoıylǵan kelísímníń nátıjesínde bíz ekí jyl boıy barlyq qalǵan auyldardy qosyp, jetuí qıyn auyldardy qamtudyń 90%-dan astamyna qol jetkízuge tıíspíz. Sondaı-aq Starlink jáne OneWeb sputnıkterí arqyly auyldardy ınternetke qosu jūmystary júrgízílíp jatyr", - dedí Dmıtrıı Mun.
42 su qoımasy salynyp, jańǵyrtylady
Sumen kózímen qamtamasyz etu jáne su shyǵynyn azaıtu úshín Qazaqstanda 2024-2028 jyldarǵa arnalǵan su sharuashylyǵyn damytudyń keshendí jospary íske asyryluda. Būl turaly Úkímette ótken baspasóz máslıhatynda Premer-mınıstrdíń orynbasary Qanat Bozymbaev málímdedí.
Josparda 42 su qoımasyn salu men jańǵyrtu, sondaı-aq 14,5 myń shaqyrym magıstraldy kanaldardy kúrdelí jóndeu qarastyrylǵan.
Órt qauípsízdígín būzu boıynsha 941 derek anyqtalǵan
Úkímette ótken dástúrlí baspasóz konferentsıyasynda tótenshe jaǵdaılar vıtse-mınıstrí Kegen Tūrsynbaev órt qauípsízdígí turaly aıtty.
"2023 jyly moratorıı bolǵandyqtan bíz úlken sauda úılerín jappaı teksergen joqpyz. Odan basqa uaqytta 2 myń sharshy metr aumaqtan astam jerdí alyp jatqan sauda úılerín jyl saıyn tekseríp kelemíz. Osy jyly sondaı 63 sauda nysanyn tekserdík. Órt qauípsízdígín būzu boıynsha 941 derek anyqtaldy. Qazírgí kezde salalyq zańǵa kóp ózgeríster engízílgen. Sonyń bíreuí – kóp adam jınalatyn, aumaǵy 2 myń sharshy metrden asatyn sauda nysandary saqtandyruǵa jatady. Osyndaı oń ózgeríster órt qauípsízdígí deńgeıín arttyrady dep olaımyn", - dedí tótenshe jaǵdaılar vıtse-mınıstrí Kegen Tūrsynbaev.
77 myń bílím beru granty
Jalpy "AMANAT" partıyasynyń Saılaualdy baǵdarlamasyn íske asyru jóníndegí Jol kartasy ayasynda bıyl 77 myńnan astam bílím beru granty bólíndí. Memleket basshysynyń tapsyrmasy boıynsha sheteldík jetekshí unıversıtettermen seríktestíkte jūmys ísteıtín 20-ǵa juyq joǵary oqu orny studentterdí qabyldaı bastady.
2025 jylǵy memlekettík bílím beru granttaryn taǵaıyndau konkursyna 113 myńǵa juyq ótínísh qabyldandy, būl ótken jylmen salystyrǵanda 9 myńǵa kóp.
Sondaı-aq granttardy bólu kezínde áleumettík osal toptarǵa jatatyn balalar úshín zańnamada belgílengen kvotalar saqtalady.