Májílís deputattarynyń saualyna bergen jauabynda Premer-mınıstrdíń orynbasary Serík Jūmanǵarın elímízde salauatty ómír saltyn nasıhattau baǵytynda bírqatar mańyzdy sharalar qolǵa alynǵanyn ańǵartty, - dep habarlaıdy Aqshamnews.kz.
"Keıíngí jyldary densaulyq saqtau mınıstrlígí dūrys tamaqtanu, jastar densaulyq ortalyqtaryn damytu, temekí men alkogol tūtynudy azaıtu, dene belsendílígín arttyru jáne salauatty ómír saltyn aqparattyq nasıhattau boıynsha keshendí jol kartalaryn íske asyryp jatyr, - dedí vıtse-premer.
Sonymen qatar, ol bírqatar zańnamalyq bastamalardy atap óttí:
- 21 jasqa deıíngí azamattarǵa energetıkalyq susyndardy satuǵa tyıym salu;
- Veıp ónímderín ákeluge jáne satuǵa shekteu qoyu;
- Temekí men alkogol tūtynudy azaıtu sharalaryn bekítu;
- Energetıkalyq susyndarǵa alǵash ret aktsız engízu;
- Mektep taǵamy standarttaryn jańartu.
Serík Jūmanǵarınníń málímetínshe, 21 jasqa tolmaǵandarǵa energetıkalyq susyndardy satatyndarǵa ákímshílík jauapkershílík engízu jūmystary júríp jatyr.
Aıta keteıík, 2025 jyldyń qańtarynan bastap "Halyq densaulyǵy jáne densaulyq saqtau júıesí turaly»" Kodekske engízílgen túzetuler kúshíne endí, oǵan sáıkes 21 jasqa tolmaǵan azamattarǵa energetıkalyq susyndardy satu qatań tyıym salynǵan.