Kólík ınfraqūrylymyn damytu jáne Qazaqstannyń tranzıttík áleuetín nyǵaıtu jóníndegí Prezıdent tapsyrmalaryn júzege asyru ís júzínde oryndaudyń belsendí kezeńíne óttí. Būl turaly QR kólík vıtse-mınıstrí Jáníbek Taıjanov málímdedí, - dep habarlaıdy Aqshamnews.kz.
2025 jyldyń qorytyndysy boıynsha temírjol salasy rekordtyq kórsetkíshke qol jetkízdí: tasymaldau kólemí shamamen 318 mln tonnaǵa jettí, būl salanyń tūraqty ósíp kele jatqanyn rastaıdy. 2026 jyly tasymal kólemí 327 mln tonnany qūraıdy dep boljanyp otyr. Būl rette tranzıttík tasymal jyl saıynǵy tūraqty ósímdí 20% deńgeıínde kórsetedí.
Elímízdíń tolyqqandy temírjol qańqasyn qalyptastyru jūmystary jalǵasuda. Bıyl "Dostyq – Moıynty" jáne "Almaty aınaalma joly" sıyaqty írí jobalar ayaqtaldy, olardyń jalpy ūzyndyǵy – 911 shaqyrym. Būl jelíníń ótkízu qabíletín 5 esege arttyruǵa jáne tranzıttík tasymaldardy jedeldetuge múmkíndík berdí. Kelesí jyly "Qyzyljar – Moıynty" jáne "Darbaza – Maqtaaral" uchaskelerínde strategıyalyq qūrylys jobalary, sondaı-aq "Altynkól – Jetígen" jáne "Beıneu – Mańǵystau" baǵyttaryn jańǵyrtu jūmystary ayaqtalady, - dep atap óttí vıtse-mınıstr.Būǵan qosymsha poıyzdardy retteudíń zamanauı júıelerí engízílude, būl temírjoldardyń qozǵalys qauípsízdígí men ótkízu qabíletín tíkeleı arttyrady. Temírjoldardy kúrdelí jóndeu jalǵasuda, 2025 jyly 1,5 myń shaqyrym jol jóndeldí, al 2026 jyly 1,6 myń shaqyrym jóndeu josparlanǵan.
Odan bólek 236 lokomotıv, 1,4 myńnan astam júk jáne zamanauı 191 jolaushylar vagonyn jetkízu josparlanuda. Būl kólík qyzmetteríníń senímdílígí men sapasyn aıtarlyqtaı jaqsartady. Halyqaralyq kólík dálízderí de qarqyndy damyp keledí. Olar – Transkaspıı halyqaralyq kólík baǵyty (THKB) jáne Soltústík – Ońtústík baǵyttary. THKB-nyń ótkízu qabíletín arttyru sheńberínde porttar ınfraqūrylymyn jańǵyrtu jobalary júzege asyryluda, máselen, otandyq sauda floty 4 parommen tolyqtyrylady. 2026 jyly konteınerler tasymaly kólemín 90 myń JPE-ge deıín jetkízu josparlanuda.
Kelesí jyly Soltústík – Ońtústík dálízí boıynsha eldíń batys óńíríndegí temírjol uchaskelerín jańǵyrtu ayaqtalady. Prezıdent tapsyrmalary ayasynda elímízde vokzaldardy jańǵyrtudyń auqymdy baǵdarlamasy júzege asyryluda. Jūmystar kezeń-kezeńímen júrgízílude jáne 2026 jyly ayaqtalady.
Osylaısha, 2026 jyl Qazaqstannyń zamanauı árí ornyqty, básekege qabílettí kólík júıesín qalyptastyratyn negízgí ınfraqūrylymdyq jobalarynyń ayaqtalyp, ís júzínde jemísín bere bastaǵan kezeńí bolady,— dep atap óttí Jáníbek Taıjanov.