Premer-mınıstrdíń orynbasary Qanat Bozymbaev mınıstrlíkterdíń, oblys ákímdíkteríníń jáne «Amanat» partıyasynyń qatysuymen óńírlík damu jóníndegí joba keńsesíníń otyrysyn ótkízdí, - dep habarlaıdy Aqshamnews.kz Primeminister.kz-ke sílteme jasap.
Otyrysta «Auyl amanaty» jobasyn júzege asyru boıynsha atqarylǵan jūmystar turaly, sondaı-aq byltyr qarasha aıynda ótken auyl ákímderíníń dıalog-platformasynyń qorytyndysy boıynsha Memleket basshysy bergen tapsyrmalardyń oryndalu barysy jónínde esep tyńdaldy.
2025 jyldan bastap «Auyl amanaty» jobasy jańa qaǵıdattar negízínde júzege asyrylyp kelde. Qarjylandyru óńírlerdíń naqty qajettílíkterín eskere otyryp, artyq byurokratıyalyq rásímdersíz bólínude. Kooperatsıyany damytu men auyl sharuashylyǵy ónímderín óńdeuge basa nazar audarylǵan.
2025 jyly jobaǵa oblys ákímdíkteríne 50 mlrd teńge bólíndí. 2026 jyly respublıkalyq byudjette jobany jalǵastyruǵa 100 mlrd teńge qarastyrylǵan, onyń shamamen 60 mlrd teńgesí 600-ge juyq kooperatıvtí qoldauǵa baǵyttalmaq.
Otyrysta Aqmola oblysynyń Ereımentau audanynda et klasterín qūru jobasyn íske qosu perspektıvalaryna erekshe kóńíl bólíndí. Joba óńír úshín mańyzdy mánge ıe. Osyǵan baılanysty Qanat Bozymbaev memlekettík qoldau baǵdarlamalaryn eskere otyryp, jobanyń ekonomıkalyq jáne ūıymdastyrushylyq parametrlerín qosymsha pysyqtaudy tapsyrdy.
Keńes qorytyndysy boıynsha Premer-mınıstrdíń orynbasary Ūlttyq ekonomıka mınıstrlígíne áleumettík-kásípkerlík korporatsıyalardyń qyzmetín qaıta píshímdeu jónínde ūsynystar daıyndaudy, sondaı-aq «Auyl kásípkerlígí ınfraqūrylymy» baǵytyn óńírlík standarttar júıesíne engízudí tapsyrdy.
«Damu» kásípkerlíktí damytu qory» AQ-men bírlesíp, «Auyl amanaty» jobasy ayasynda kepíldík beru tetíkterín ázírleu jáne tıístí normatıvtík-qūqyqtyq aktílerge ózgeríster engízu míndetteldí.
Oblys ákímdíkteríne ekí apta merzímde «Amanat Nesie» aqparattyq júıesíne barlyq óńírlerdíń tolyq qosyluyn qamtamasyz etíp, auyl tūrǵyndaryna «Auyl amanaty» baǵdarlamasy boıynsha jeńíldíktí nesıeler berudí ūıymdastyru tapsyryldy.