«QazAvtoJol» ulttyq kompanıasy eldegi joldardyń qazirgi ahýaly týraly habarlady.
Ulttyq kompanıanyń málimetinshe, 2026 jylǵy 2 qańtar saǵat 09:00-de respýblıkalyq mańyzy bar «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 159-238-shaqyrym aralyǵyndaǵy ýchaskesinde (Kenen aýylynan Qaınar aýylyna deıin) kóliktiń barlyq túri úshin qozǵalys ashyldy.
Al 08:00-degi jaǵdaı boıynsha avtokóliktiń barlyq túri úshin jyldamdyq rejımi 80 shaq/saǵ-tan 110 shaq/saǵ-qa ózgertilgen jol ýchaskeleri:
Aqmola oblysy
* respýblıkalyq mańyzy bar KAZ02 «Astana – Kókshetaý (aınalma jolymen) – Petropavl – RF shekarasy (Jańa Jol ótkizý pýnkti)» avtojolynyń 18-232-shaqyrym aralyǵy;
* KAZ01 «Astana – Qaraǵandy – Almaty» avtojolynyń 30-92-shaqyrym aralyǵy, Jibek Joly kenti – Anar stansıasy ýchaskesi.
Qaraǵandy oblysy
* respýblıkalyq mańyzy bar KAZ01 «Astana – Qaraǵandy – Almaty» avtojolynyń 92–164 shaqyrym aralyǵy, Anar stansıasy – Temirtaý qalasy ýchaskesi.
Sondaı-aq tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebránsk qalasy) ýchaskesinde qys aıaqtalǵansha saqtalady.
Al «Astana – Shiderti – Pavlodar – Ýspenka – RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.