Aqshamnews.kz redaktsıyasy "Kún sany" aıdarynda aptanyń eń mańyzdy derekteríne sholu jasady.
0:5
30 qyrkúıekte Almatyda "Qaırat" pen "Real" arasynda UEFA Chempıondar lıgasynyń jalpy kezeńíndegí tarıhı match óttí. Jergílíktí "Qaırat" áıgílí madrıdtík "Realǵa" qarsy alǵash ret óz alańynda oınap, 0:5 esebímen jeńílíp qaldy.
Kıllıan Mbappe Dastan Satpaevtyń baǵasynan 100 ese qymbat
Transfermarkt.world málímetínshe, "Qaırattyń" eń qymbat oıynshysy - Dastan Satpaev. Jas jūldyzdyń transferlík qūny - 1,157 mlrd ₸. Odan keıín Valerıı Gromyko tūr. Onyń naryqtaǵy qūny - 771,5 mln ₸. Úshínshí orynda qūny - 514,3 mln ₸ bolatyn Ofrı Arad ıelendí.
Al halyq arasynda Mbópe atanǵan Sherhan Qalmūrza men Temírlan Anarbekovtí naryq 128,6 mln ₸-ge baǵalady. Sonymen Qaırat sapynda naryqtaǵy eń arzan oıynshy Aleksandr Mrynskıı boldy. Oıynshynyń naryqtyq qūny - 64,3 mln ₸.
Aıta keteıík, būǵan deıín "Real Madrıd" jūldyzdarynyń baǵasy da belgílí bolǵan. Kóptíń krashyna aınalǵan 25 jastaǵy Vınısıus 109,3 mlrd ₸ baǵalansa, keshegí oıynda 18 jastaǵy qaqpashymyzdyń basty qarsylasyna aınalǵan Kılıan Mbappeníń naryqtaǵy 115,7 mlrd ₸ dep belgílendí. Būl Dastan Satpaevtyń baǵasynan 100 ese qymbat.
Qazaqstanda 772 kolledj bar
Búgínde Qazaqstannyń tehnıkalyq jáne kásíptík bílím beru júıesínde 772 kolledjde 530 myń student bílím alyp jatyr. Olarǵa 42,8 myń pedagog pen oqytushy sheberler sabaq beredí.
Jańa oqu jylynda 10 myńnan asa jas pedagog jūmysqa qabyldandy
Oqu-aǵartu mınıstrlígíníń málímetínshe, 2025-2026 oqu jylynda qazaqstandyq bílím beru ūıymdaryna 10 myńnan asa jas pedagog jūmysqa qabyldandy.
Almatyda 2030 jylǵa qaraı tuberkulyozdí túbegeılí joyu turaly qarar qabyldandy
2-3 qazanynda Almatyda "Tuberkulezsíz Ortalyq Azıya: ūlttyq jetístíkterden óńírlík kóshbasshylyqqa" atty halyqaralyq ǵylymı-praktıkalyq konferentsıya jáne Shyǵys Europa men Ortalyq Azıyadaǵy tuberkulez boıynsha óńírlík parlament sammıtí óttí.
Ís-sharaǵa Shyǵys Europa jáne Ortalyq Azıya elderíníń parlamentshílerí, densaulyq saqtau salasynyń basshylary jáne DDSŪ, Stop TB Seríktestígí jáne basqa da halyqaralyq ūıymdardyń sarapshylary jınaldy. Qatysushylar BŪŪ-nyń tuberkulezge qarsy Sayası Deklaratsıyasyn (2023 j.) júzege asyru barysyn, tuberkulezben kúrestegí azamattyq qoǵamnyń rólín jáne ınnovatsıyalardy talqylady.