Forbes Kazakhstan bıyl eldíń eń yqpaldy 50 bıznesmení reıtıngín jarıyalady, - dep habarlaıdy aqshamnews.kz tílshísí.
Tek ekonomıka salasyndaǵy kásípkerler emes
2025 jyly Forbes redaktsıyasy jańa úrdístí atap óttí. Endí tízímge tek qarjy men ınvestıtsıya salasynda emes, mádenıet, sport jáne áleumettík jobalarda da óz yqpalyn kúsheıtíp keledí.
-
Nūrlan Smaǵūlov – Qazaqstandaǵy alǵashqy zamanauı óner muzeıín, Almaty Museum of Arts ashty.
-
Qaırat Boranbaev reıtıngke qaıta oralyp, "Tselınnyı" zamanauı mádenıet ortalyǵyn tanystyrdy. Onyń "Qaırat" futbol kluby alǵash ret UEFA Chempıondar lıgasynyń negízgí kezeńíne shyqty, būl oqıǵany sarapshylar qazaqstandyq futboldaǵy jańa kezeń dep baǵalady.
-
Aıdyn Rahımbaev negízín qalaǵan "Analar úıí" qory men IQanat bílím beru jobasy Garvard bıznes mektebíníń oqu baǵdarlamasyna engízíldí. Ol Arsen Tomskıımen bírge jańa halyqaralyq bastamalardy qolǵa alyp jatyr.
-
Saıdulla Qojabaev (onyń negízín qalaǵan Alageum Group kompanıyasyn búgínde ūly Erkebūlan Ilyasov basqarady, bıyl ol Ūlttyq sport túrlerí qauymdastyǵynyń prezıdentí bolyp saılandy), sondaı-aq Qanat Kópbaev pen Marat Jūman jeke ınvestıtsıyalaryn ūlttyq sport túrlerín damytuǵa baǵyttap otyr. Būryn būl sala memleket qamqorlyǵynda ǵana bolatyn.
Jańa esím jáne ózgeríster
2025 jylǵy reıtıng qūramy negízínen tūraqty qaldy, bíraq oryn auystyrular kóp boldy.
Bıylǵy jańa esím – Aıǵazy Qūsaıynov, International Educational Corporation Ltd. ıesí. Onyń basqaruynda Qazaq bas sáulet-qūrylys akademıyasy (QazBSQA), Qazaq-amerıkan unıversıtetí, KazGASA College, Digital College, KazGASA School, KAU School, jáne jaqynda ashylǵaly jatqan Charterhouse Almaty mektebí bar.
Tolyq tízímdí myna sílteme arqyly kóruge bolady.