2026 жылғы 25 ақпанда Принтмедиа технологиялар колледжі базасында техникалық және кәсіптік білім беру ұйымдарының студенттері арасында «Жарнама және полиграфия: тиімді жарнаманы құрудағы жұмысшы мамандықтардың рөлі» атты қалалық байқау өтті, – деп хабарлайды aqshamnews.kz тілшісі.
Байқаудың басты мақсаты — студенттердің кәсіби құзыреттілігін арттыру, жарнама және баспа саласындағы жұмысшы мамандықтардың маңызын кеңінен насихаттау, сондай-ақ шығармашылық пен технологияны ұштастыра білетін білікті кадрларды қолдау.
Байқауға 5 колледжден 15 студент қатысты. Қатысушылар жарнамалық макет әзірлеу және бейнеролик дайындау бағыттары бойынша өз жобаларын қорғады.
Жүлделі орындар:
I орын – ҚМҚК «Алматы телекоммуникация және машина жасау колледжі»
II орын – ҚМҚК «Алматы көлік және коммуникациялар колледжі»
II орын – ҚМҚК «Принтмедиа технологиялар колледжі»
III орын – ҚМҚК «Алматы-Электромеханика колледжі»
III орын – «Колледж Туран»
Байқау жұмыстарына саланың тәжірибелі мамандарынан құралған әділ қазылар алқасы төрелік етті. Қазылар студенттердің креативті шешімдерін, техникалық талаптарды сақтау деңгейін және жобаларды кәсіби қорғау шеберлігін жоғары бағалады.
Байқауға саланың білікті мамандары төрелік етті:
Маулунбердов Нұрлан Ермухамбетұлы — ЖШС «Баспагер баспа үйі» типографиясының дамыту жөніндегі директоры;
Салим Тимур Михайлович — «Принт Азия» типографиясының басшысы;
Токенова Динара Джумабаевна — №69 мектеп әдіскері.
Қазылар алқасының төраға мүшесі Маулунбердов Нұрлан Ермухамбетұлы өз сөзінде: «Бүгінгі жұмыстар жарнама мен полиграфия саласында бәсекеге қабілетті жас мамандар өсіп келе жатқанын көрсетті. Студенттердің өндірістік ойлауы қалыптасқан», — деп атап өтті.
Бұл байқау жұмысшы мамандықтарының беделін арттыруға, өндіріс пен білім беру арасындағы байланысты нығайтуға үлкен серпін берді.