2025 жылғы 12 маусымда ҚР Парламенті Сенатының жалпы отырысында «Қазақстан Республикасының кейбір заңнамалық актілеріне тұрғын үй құрылысына үлестік қатысу, автомобиль жолдары және мүгедектігі бар адамдарды тасымалдау жөніндегі қызметтерді көрсету мәселелері бойынша өзгерістер мен толықтырулар енгізу туралы» ҚРЗ жобасы қабылданды.
Бұл туралы Aqshamnews.kz Өнеркәсіп және құрылыс министрлігіне сілтеме жасай отырып хабарлайды.
Заң жобасы шеңберінде келесі шаралар көзделген:
- тұрғын үй құрылысына үлестік қатысудың тартымдылығын арттыратын құрылыс салушыларға қойылатын талаптарды төмендету және жағдайларды жақсарту;
- үлескерлердің ақшасын үлестік заңнаманы айналып өтуге тарту туралы шарттар жасасуға тыйым салуға бағытталған мемлекеттік реттеуді күшейту;
- тұрғын үй құрылысына үлестік қатысу шеңберінде жеке тұрғын үй кешендерін салу;
- үлескерлердің ақшасын тартуға рұқсатсыз салынып жатқан тұрғын үйді жарнамалауға тыйым салу.
Көрсетілген нормалар үлестік құрылыс процестерінің заңдылығы мен ашықтығын қамтамасыз ету, құрылыс нарығының барлық қатысушыларын теңестіру, мемлекет тарапынан бақылауды күшейту жолымен үлескерлердің құқықтары мен заңды мүдделерін қорғауға және тұрғын үй нарығын тұрақтандыруға мүмкіндік береді.