Ол финалда өзбекстандық Джабраил Шапиевті 5:2 есебімен жеңді.
ҚР Ұлттық ұланының Спорт командасын даярлау орталығының әскери қызметшісі Азамат Дәулетбеков еркін күрестен 2024 жылғы Азия ойындарының чемпионы атанды, деп хабарлайды Almaty-akshamy.kz Polisia.kz-ке сілтеме жасап.
Олимпиада лицензиясының иегері Азамат Дəулетбеков Қырғыз Республикасының астанасында өтіп жатқан байрақты бәсекеде 86 келі салмақ дәрежесінде өнер көрсетті. ҚР ІІМ ҰҰ офицері финалда өзбекстандық Джабраил Шапиевті 5:2 есебімен жеңді.
«Бұл менің сары құрлық чемпионатында қатарынан алған үшінші алтын жүлдем. Жыл сайын өзімнің кәсіби шеберлігімді шыңдап, өз деңгейімді арттыруға күш салып келемін. Осы ретте маған қолдау білдірген және сенім артқан бапкерлерім мың алғыс. Сондай-ақ осындай додада бақ сынауға мүмкіндік жасаған Ұлттық ұлан Бас қолбасшысына айтар алғысым шексіз», деді Азамат Дәулетбеков.
Ұлттық құрама көшбасшысы финалдық кездесулерге дейін, яғни күндізгі сессияда ирандық спортшы Хади Вайаейпураны ұпай санымен, одан кейін жартылай финалда қытайлық Пейлонг Лиді 11:0 есебімен таза жеңген болатын.
Еркін күрестен Қазақстан құрамасы жарысты 1 алтын, 2 күміс және 1 қола жүлдемен аяқтады. Еркін күрес шеберлері арасынан алтын жүлдені Ұлттық ұлан офицері Азамат Дәулетбеков иеленді.