«Қазгидромет» дерегінше, 21 қарашада Қазақстанның басым аумағында ауа райы салқындап, бірқатар өңірде жаңбыр мен қар түріндегі жауын-шашын күтіледі, деп хабарлайды Aqshamnews.kz тілшісі.
Астанада ауа райы құбылмалы. Кей уақытта жаңбыр мен қар жауып, төменгі бұрқасын болады. Көктайғақ пен тұман күтіледі. Жел оңтүстік-батыстан солтүстік-батысқа ауысып, 9–14 м/с. Ауа температурасы тәулігі бойы +1…+3°С.
Алматыда құбылмалы бұлтты. Жауын-шашынсыз. Түнде және таңертең тұман. Жел 2–7 м/с. Түнде +2…+4°С, күндіз +12…+14°С.
Шымкентте ауа райы құбылмалы, жауын-шашынсыз. Жел 3–8 м/с. Түнде -1…+1°С, күндіз +14…+16°С.
Алматы облысы – жауын-шашынсыз. Түнде және таңертең оңтүстікте және таулы аймақтарда тұман. Жел 9–14 м/с. Түнде 0…+5°С, таулы аудандарда -3…-8°С. Күндіз +11…+16°С, таулы өңірлерде +2…+7°С.
