АҚШ-тың бұрынғы президенті Дональд Трамп алаяқтық бабы бойынша айыпты деп танылды.
Банктер мен сақтандыру компанияларына берген қаржылық есебінде ол өз байлығын жылына миллиардтаған долларға асыра көрсеткен, деп хабарлайды Almaty-akshamy.kz 24.kz-ке сілтеме жасап.
Бас прокуратураның мәліметінше, Трамп 2011 жылдан 2021 жылға дейін өз активтерінің құнын көтерген. Сот шешімі бойынша ол 250 миллион доллар шығынды қайтаруы тиіс. Шешім Нью-Йоркте шығарылды.
Бұл - Трампқа қарсы 6 істің бірі, оның ішінде төртеуі - қылмыстық іс. Ал экс-президент бұл шешімге қарсы шағымданатынын мәлімдеді.