Төтенше жағдайлар министрлігінің Азаматтық қорғаныс полктарында 53 алматылық азамат мерзімді әскери борышын өтейді. Бұл туралы Алматы қалалық төтенше жағдайлар департаменті мәлім етті, деп хабарлайды Almaty-akshamy.kz Inform.kz-ке сілтеме жасап.
Ведомствоның мәліметінше, қалалық ТЖД «Күз 2022» науқаны аясында әскерге шақырылушылармен толықтыруды 100 %-ға орындап, жастарды Төтенше жағдайлар министрлігінің азаматтық қорғаныс әскери бөлімдеріне жіберді.
«Алматыда 1 қыркүйек - 11 қараша аралығында мерзімді әскери қызметке шақыру науқаны өтті. Биылғы күзде 53 жас әскери борышын атқару үшін ТЖМ 52859, 68303 әскери бөлімдерінің қатарын толықтырады. 12 қарашада Алматы қаласы қорғаныс істері жөніндегі департаментінің қалалық құрама пунктінде әскерге шақырылушыларды салтанатты түрде шығарып салу рәсімі өтті, музыкалық сүйелдемесін Алматы қалалық ТЖД-ның үрмелі аспаптар оркестрі орындады»,- деп хабарлады қалалық ТЖД-ның баспасөз қызметі.
Болашақ сарбаздарды шығарып салуға Алматы қаласы Төтенше жағдайлар департаментінің, Алматы қаласы қорғаныс істері департаментінің қызметкерлері, ардагерлері, сондай-ақ, достары мен туыстары келді.
Сурет: Inform.kz