Тоқаев Таяу Шығыстағы соғысты тоқтату туралы келісімді құптады, деп хабарлайды Aqshamnews.kz тілшісі. Бұл туралы Президенттің баспасөз хатшысы Айбек Смадияр жазды.
Президент Қасым-Жомарт Тоқаев Таяу Шығыстағы соғысты толық тоқтату және тараптарды бітімге келтіру туралы келісімге қол жеткізілуін құптады.
Мемлекет басшысының айтуынша, бұл келісімге Пәкістан Премьер-министрі Шахбаз Шариф пен Пәкістан Қарулы күштерінің бас қолбасшысы, фельдмаршал Асим Мунирдің араағайындығы ықпал еткен. Сонымен қатар, келісімнің жүзеге асуына АҚШ Президенті Дональд Трамптың, Иранның жоғарғы басшылығының және әскери қақтығысқа қатысқан елдердің ізгі ниеті мен парасаттылығы себеп болғаны атап өтілді.
Президент қол жеткізілген бітімгершілік келісім ұзақ мерзімді сипатқа ие болады деген үміт білдірді. Оның пікірінше, бұл қадам әлемдік сауданың дамуына және мемлекеттердің экономикалық өркендеуіне оң әсер етуі тиіс.