Қазақстан президенті Қасым-Жомарт Тоқаев Сингапур президенті Тарман Шанмугаратнамды елдің тәуелсіздігінің 60 жылдығымен құттықтады, деп хабарлайды Aqshamnews.kz Ақорда баспасөз қызметіне сілтеме жасап.
Мемлекет басшысы жолдаған құттықтау жеделхатында:
"Бүгінде еліңіз тұрақты өсіп-өркендеудің, тиімді басқарудың және инновациялық жаңғырудың озық үлгісін көрсетіп отыр. Осы орайда, Сіздің биік мақсаттарға жетелейтін бірегей бастамаларыңыздың табысты жүзеге асуына тілектеспін. Сингапур – Қазақстанның Оңтүстік-Шығыс Азиядағы сенімді серіктесі. Екі ел арасындағы ықпалдастықтың тұғыры берік, мүмкіндігі мол екенін айрықша атап өтуге болады", – деп жазылған жеделхатта.