Алматының шұғыл қызметтеріне түнде Медеу ауданындағы «Құмбел» шыңынан екі жас жігіттің түсіп келе алмай жатқаны жөнінде хабарлама түскен, деп хабарлайды aqshamnews.kz
2004 жылы туған екі азамат бағыттарынан адасып, жолды таба алмайтындарын түсініп, көмекке жүгінген.
Құтқарушылар оларды 2850 метр биіктіктен тапты. ҚР Төтенше жағдайлар министрлігінің мамандары Алматы қалалық құтқару қызметімен бірлесе отырып, жігіттерді Экопостқа дейін аман-есен түсірді. Кейін олар үйлеріне өз беттерімен оралды. Ешқайсысы жарақат алмаған, медициналық көмекке зәру болмады.
Ескерту: Тауға шыққанда ауа райы мен маршрутты алдын ала жоспарлап, қауіпсіздік ережелерін сақтау аса маңызды.