6 қазанда атом электр станциясын салу бойынша республикалық референдум өтеді. Осыған орай біз бұл маңызды жобаны қолдау мақсатында қалалық штаб құрдық.
Бүгінгі таңда 127 адам, оның ішінде 85 спикер штабтың құрамына енді. Спикерлердің арасында экология мен энергетика саласындағы білікті мамандар бар, олар бұл тақырыпты терең түсініп, халыққа қажетті ақпаратты жеткізе алады.
Штабтың басты мақсаты — АЭС құрылысын қолдаудың қажеттілігін түсіндіру және бұл жоба еліміз үшін қаншалықты маңызды екенін нақты жеткізу. Тек кәсіби мамандар ғана бұл жобаның болашақтағы әлеуеті туралы нақты әрі түсінікті ақпарат бере алады.
Сонымен қатар, біздің қатарымызға атом саласының мамандары қосылып, өз салалары бойынша маңызды ақпаратпен бөліседі.