Әуе лайнері кенеттен қатты турбуленттілік аймаққа түсті.
Бүгін KC 128 рейсінің бортында қатты турбуленттілік болған, деп хабарлайды Аlmaty-akshamy.kz Air Astana әуекомпаниясының баспасөз қызметіне сілтеме жасап.
Әуекомпаниясы Ташкент-Алматы бағыты бойынша KC 128 рейсін орындаған. Ұшақ жергілікті уақыт бойынша 14.35-те ұшып кетті. Ұшу кезінде әуе лайнері кенеттен қатты турбуленттілік аймаққа түсті.
Алдын ала ақпарат бойынша, жеті жолаушы түрлі жарақаттар алған.
Әуе лайнері Алматыға 16.45-те қонды. Рейс экипажы жолаушыларға алғашқы медициналық көмек көрсеткен.
Ұшқыштар болған оқиға жөнінде әуежай қызметіне хабарлаған. Әуежайда шұғыл медициналық көмек көрсету үшін "жедел жәрдем" көлігі жолаушыларды күтіп алды.