Қазақстанда алтын бұйымдарды тиісті сынамасыз сатқан кәсіпкерлерге айыппұл салынады. Бұған дейін мұндай заңбұзушылық үшін тек ескерту берілсе, енді жаңа талаптарға сәйкес қатаң жаза қарастырылған. Бұл туралы Aqshamnews.kz хабарлайды.
Ережені бұзғандарға салынатын айыппұл:
- 190 000 теңгеден 580 000 теңгеге дейін
- Айыппұл мөлшері кәсіпкерлік субъектісінің санатына байланысты есептеледі:
– Шағын бизнеске – төменгі шекте,
– Ірі сауда орындары мен заңды тұлғаларға – жоғары шекте айыппұл салынады.
Мемлекеттік органдардың мәліметінше, алтын бұйымдардың сынамасыз сатылуы – тұтынушының құқығын бұзу және көлеңкелі саудаға жол беру болып табылады. Жаңа талаптар:
- Тұтынушылардың алданып қалуына жол бермеуге,
- Ресми зергерлік өнімдер нарығын тәртіпке келтіруге,
- Көлеңкелі айналымды азайтуға бағытталған.
Енді алтын немесе зергерлік бұйым сатып алғанда сынама таңбасының (клеймо) болуына міндетті түрде назар аудару керек. Ал сатушыларға бұл талапты орындау – заңды міндет.