Мәжіліс депутаттары сот реформасын жүзеге асыру мәселелерін талқылады
Мәжілістің Заңнама және сот-құқықтық реформа комитеті сот жүйесін реформалаудың өзекті мәселелерін талқылауға арналған дөңгелек үстел өткізді. Көшпелі отырыс Жоғарғы Сот және Сот әкімшілігімен бірлесіп ұйымдастырылды, деп хабарлайды aqshamnews.kz
Отырысты ашқан комитет төрайымы Снежанна Имашева бүгінде заң мен тәртіптің үстемдігі Мемлекет басшысының реформалар бағдарының басты қағидасы екенін атап өтті. Ол ел азаматтары тарапынан толық қолдау тапқан. Депутат жүргізіліп жатқан сот реформасының азаматтар үшін маңыздылығы мен заңға толық сәйкес бейтарап, әділ сот төрелігін қамтамасыз ету туралы егжей-тегжейлі айтып берді.
Жоғарғы Сот төрағасы Асламбек Мерғалиев өз сөзінде елордада үш кассациялық сот құру жобасы жедел жүзеге асырылғанын, әкімшілік істер бойынша эксаумақтық соттылықтың іске қосылғанын қамауға алуға балама ретінде татуластыру рәсімдері мен электронды бақылау құралдарын қолданудың артқанын айтты.
Талқылау барысында сот ісін жүргізудің өзекті мәселелері қозғалып, сот жүйесін одан әрі жетілдіру бойынша ұсыныстар айтылды.
Сонымен қатар дөңгелек үстел аясында Жоғарғы Соттың ахуалдық орталығының жұмысы және инновациялық цифрлық шешімдер таныстырылды.