Меруерт Өтекешова Баян Мақсатқызының сыйына қатысты пікір білдірді, – деп хабарлайды aqshamnews.kz тілшісі.
Бұдан бұрын Баян Мақсатқызының актриса Меруерт Өтекешоваға өмір бойы 1 млн теңге зейнетақы төлейтінін айтқанын жариялағанбыз.
Бұл ақпаратқа қатысты Меруерт Өтекешованың өзі пікір білдіріп: «Бізде бизнес болған жоқ. Бір жалақыға жұмыс істедік. Баян біздің жағдайымызды түсініп, осындай ізгі ниет танытып отыр деп ойлаймын», - деген актриса 24KZ тілшісіне.
Сонымен қатар Меруерт Өтекешова қазақ қоғамында шу болған, өзі «Қыз Жібек» фильмінде киген қамзолдың продюсердің қолына өткеніне ренжімеген.
«Қамзолдың Баянға берілгеніне ренжімеймін. Ол да өнер адамы, қадірін біледі. Баян оны бәрібір мұражайға тапсыратынын айтты. Бұл шешіміне ризамын», - деген актриса.
Дегенмен Қыз Жібек пен Баян Мақсатқызы әлі бетпе-бет кездеспеген.