Республикамыздың оңтүстігі мен батысында шаңды дауыл тұрады деп күтіледі
"Қазгидромет" РМК 8-10 қазанға арналған ауа райы болжамын ұсынды. Оған сәйкес, алда қысқа мерзімге күн суытатыны болжанады, деп хабарлайды Almaty-akshamy.kz.
Метеорологтардың мәліметінше, Қазақстанның солтүстік, шығыс және таулы аймақтарында түнгі және таңертеңгі уақытта жауған жаңбырдың арты қарға ұласуы мүмкін.
Сонымен қатар, тұман түсіп, жел күшейеді, республикамыздың оңтүстігі мен батысында шаңды дауыл тұрады деп күтіледі.
Еліміздің солтүстігінде, шығысында және орталығында қысқа мерзімде сынап бағаны түнгі уақытта -3°С, күндіз +3...+13°С дейін төмендейді деп күтіледі.
Сондай-ақ, республикамыздың батысында түнде +1...+ 9°С, күндіз +15...+25°С болады деп болжанады.
Түнде Қазақстанның оңтүстігінде: +1...+6°С, таулы аудандарда: -2-7°С, күндіз: +12...+20°С.