Шымкентте Қаратау ауданы әкімінің футбол алаңындағы даулы оқиғадан кейін қандай жазаға тартылғаны белгілі болды, – деп хабарлайды aqshamnews.kz тілшісі.
Биыл наурыздың басында әлеуметтік желілерде Шымкенттегі футбол алаңдарының бірінде аудан әкімі болуы мүмкін ер адамның белгісіз азаматты бірнеше рет итеріп, соққыға жыққан сәті түсірілген видео тараған еді. Осыдан кейін қалалық әкімдіктің баспасөз қызметі аталған жайтқа байланысты қызметтік тексеріс басталғанын мәлімдеді.
Кейін әкімдік өкілдері бейнежазбадағы адамның шынымен Қаратау ауданының әкімі екенін растады.
Сондай-ақ бұл жағдай Қазақстан Республикасының Мемлекеттік қызмет істері агенттігі жанындағы Әдеп жөніндегі кеңесте қаралған. Отырыста қызметтік тексерістің қорытындылары сараланып, Алмас Абаевтың өз түсініктемесі тыңдалған.
Нәтижесінде Шымкент қаласы әкімінің өкімімен Алмас Абаев тәртіптік жауапкершілікке тартылды.