11 сәуірде Орталық Азия мен ТМД елдері СІМ басшыларының кездесуі өтеді
Ресей Федерациясының сыртқы істер министрі Сергей Лавров 10 сәуір күні Алматы қаласына келді. Оның сапары 11 сәуірде өтетін ТМД елдері мен Орталық Азия мемлекеттері сыртқы істер министрлерінің кездесуіне қатысу мақсатында ұйымдастырылды. Бұл туралы Aqshamnews.kz сайты хабарлайды.
Сапар барысында Лавров бірқатар екіжақты және көпжақты келіссөздерге қатыспақ. Атап айтқанда, Қазақстан, Қырғызстан, Өзбекстан, Тәжікстан және Түрікменстанның сыртқы істер министрлерімен өңірлік қауіпсіздік, сауда-экономикалық әріптестік, көлік-логистика салаларындағы ынтымақтастық секілді маңызды тақырыптар талқылануы жоспарланған.