Синоптиктердің мәліметінше, сейсенбі, 9 желтоқсанда еліміздің солтүстігі мен орталығында қар, боран, көктайғақ пен желдің күшеюі күтіледі, - деп хабарлайды Аqshamnews.kz тілшісі.
Батыс аймақтарда ауыспалы бұлтты, әлсіз қар, ал оңтүстікте жаңбыр мен қар аралас жауын-шашын, тұман болады.
Астана
Елордада бұлтты, қар жауып, боран соғады. Түнде көктайғақ болуы мүмкін және желдің екпіні күшейеді. Ауа температурасы түнде де, күндіз де –20–22° аяз шамасында болады.
Алматы
Алматыда бұлтты ауа райы сақталады, кей уақытта жаңбыр мен қар жауады, тұман түседі. Түнгі температура –0–2° аяз, күндіз 0–2° жылылық күтіледі.
Шымкент
Шымкентте ауыспалы бұлтты, күндіз жаңбыр мен қар түрінде жауын-шашын болжанады. Кей жерлерде тұман түседі. Ауа температурасы түнде –0–2° аяз, күндіз +3…+5° жылылық шамасында болады.