Бұл туралы Бас прокуратураның баспасөз қызметі мәлім етті, деп хабарлайды aqshamnews.kz.
2025 жылғы 25 ақпанда «Өскемен – Астана» рейсі 8 сағаттан аса кешігіп, жолаушыларға тиісті қызмет көрсетілмеген. Осыған байланысты компания оларды қонақүйге орналастырмаған, - делінген хабарламада.
Тексеру нәтижесінде SCAT әуе компаниясы жолаушылар құқығын бұзғаны үшін 1000 АЕК көлемінде айыппұл төлеуге міндеттелді.
Еске салайық, егер күндізгі рейс 8 сағаттан, түнгі рейс 6 сағаттан аса кешіксе, әуекомпания жолаушыларды қонақүйге орналастыруы тиіс.