Алматының тәртіп сақшылары "Алматы марафонына" дайындалуда
Тәртіп сақшылары бұл жолы 10 шақырымдық “Winter Runға” қатысты, деп хабарлайды Almaty-akshamy.kz Polisia.kz-ке сілтеме жасап.
«Мен 2017 жылдан бері жүгірумен айналысамын. “Алматы марафонының” тұрақты қатысушысымын. Қыркүйекте 42 шақырымды 3 сағат 20 минутта жүгіріп өттім. Мен барлығының жүгіргенін қалаймын. Жүгіру – бұл денсаулық, ол иммундық жүйені нығайтады. Бұл жақсы мәдениет, жан-жақты дамуға, жаңа таныстарды табуға ықпал етеді. Өте пайдалы», – дейді Алматы қалалық ПД тылмен қамтамасыз ету басқармасының қызметкері Әден Мәденов.
«Мен бір жылдан бері марафондарға қатысамын. Мұның алдында жазда 42,2 шақырымға жүгірген едім. Менің ең жақсы нәтиже көрсеткен марафоным болды. Мен өмірімде спортты жаныма серік етіп келемін. Отбасым да спортқа өте жақын. Біз салауатты өмір салтын жақтаймыз», – деді Алматы қалалық ПД ЖӘАЖ инспекторы, дзюдо және самбодан спорт шебері, Қазақстанның бірнеше дүркін чемпионы Қарашаш Есдәулетова.
Айтпақшы, Алматының полиция қызметкерлері “Алматы марафонының” тұрақты қатысушылары. Бұл жақсы дәстүрге айналды.
«Мақсат – Алматы қоғамдастығының қайырымдылық бастамасын қолдау, өйткені біз осы қаланың тұрғындарымыз. Полиция қызметкерлері ретінде шаһардағы тәртіпті қорғауға және азаматтардың конституциялық құқықтарын қорғауға ант бердік. Екіншіден, мәселе салауатты өмір салтын насихаттау туралы болып отыр. Қызметтер мен бөлімшелердің қызметкерлері әр уақытта өздерінің спорттық дайындығының деңгейін, ұстамдылығы мен тәртібін көрсетіп келеді», – деді Алматы қалалық полиция департаменті бастығының орынбасары Олжас Мырзабеков.
Алматы қалалық ПД-де әуелі жарысқа полиция қызметкерлерін көбірек тарту жоспарланғанын атап өтті.