Грузияның бұрынғы президенті Михаил Саакашвилидің денсаулығы күрт нашарлады.
Ол жансақтау бөлімінің интенсивті терапия бөлімшесіне түсті, деп хабарлайды Almaty-akshamy.kz 24.kz-ке сілтеме жасап.
Бұл туралы "Рейтер" ақпарат агенттігі хабарлады. Ол соңғы айларда Тбилисидегі "Виведи" ауруханасында ем алып жатқан болатын.
Айта кетейік, 55 жастағы саясаткер 2021 жылдың қыркүйегінде Грузияға жасырын келгенде тұтқындалған еді. Кейін сот оны 2004-2013 жылдары ел билеген кезде қызметін асыра пайдаланды деген айыппен 6 жылға соттады. Бірақ Саакашвили істің саяси астары бар екенін айтып, түрмеде бірнеше рет аштық жариялады. Салдарынан денсаулығы сыр беріп, ауруханаға түсті.