Мәжіліс депутаты Ринат Зайыттың анасы қайтыс болды, - деп хабарлайды aqshamnews.kz тілшісі.
Қаралы хабарды депутат Мақсат Толықбай әлеуметтік желіде жеткізді.
"Ринат Зайыт бауырымыздың анасы қайтыс болды. Асылынан айырылған досымның қайғысына ортақтасып, көңіл айтамыз. Сұрап жатқандар үшін жаназа намазы да, жерлеу рәсімі де Семейде өтетінін айта кетейін", - деп жазды ол.
Депутаттың марқұм анасының аты Роза болған.
Ринат Зайыт көпшілікке айтыскер ақын ретінде танылды. Қазір ол - Қазақстан Республикасы Парламенті Мәжілісінің депутаты.