Мадридтің «Реалы» УЕФА Суперкубогы үшін өткен матчта жеңіске жетіп, турнир тарихындағы ең титулды клубқа айналды, деп хабарлайды aqshamnews.kz
Матчтың басты интригасы - Килиан Мбаппенің мадридтік команда үшін алғаш рет алаңға шығуы болды. Француз шабуылшысы негізгі құрамда ойнады.
«Реал» мен «Аталанта» командаларының құрамы:
«Реал» құрамы: Куртуа, Карвахаль (Себальос, 88), Милитао, Рюдигер, Менди, Вальверде, Беллингем (Гюлер, 88), Тчуамени, Винисиус (Васкес, 88), Мбаппе (Диас, 83), Родриго (Модрич, 76).
«Аталанта» құрамы: Муссо, Джимсити, Хин (Палестра, 90), Колашинац (Баккер, 71), Дзаппакоста (Годфри, 62), Эдерсон, де Рон, Руджери, Де Кетеларе (Ретеги, 62), Пашалич (Манцони, 90), Лукман.
Бірінші таймда командалар ашық ойнады, бірақ бір-бірінің қақпасына гол сала алмады. Екі команда да бірдей қауіпті сәттер жасады: Эдер Милитао өз қақпасына гол соғып қоя жаздады, ал Родриго «Аталантаның» қақпасына күшті соққы жасады.
Бірінші таймның нәтижесі - 0:0.
Екінші таймда «Реал» жылдамдығын арттырып, итальяндықтардың қорғанысы бұзылды. 59-минутта Федерико Вальверде Винисиустың пасын қабылдап, дәл соққымен комбинацияны аяқтады.
10 минуттан кейін Килиан Мбаппе де гол салды: француз шабуылшысы Беллингемнің айып алаңынан берген пасын сәтті пайдаланды.
Матчтың нәтижесі - мадридтік «Реалдың» пайдасына 2:0. шешілді
Айта кетейік, испандық клуб УЕФА Суперкубогын алты рет жеңіп алған алғашқы команда болды. Бұған дейін «Реал» «Милан» және «Барселона» клубтарымен бірге бес титулға ие болатын.