Қызылордада онлайн жиналыс үстінде қызметкерін балағаттаған әскери шендінің айқайы министрлікке жетті. Қазір этика сақтамаған басшыға қатысты қызметтік тексеру жүргізіліп жатыр, - деп хабарлайды aqshamnews.kz тілшісі Информбюро 31-ге сілтеме жасап.
Бұл - Қызылордадағы Қорғаныс істері департаментінің басшысы Жасұлан Шаңқұловтың бөлім қызметкерлерімен өткізген жиыны.
Зумда бас қосқан әскерилер пікір алмасып, келісе алмай қалады. Сол сәтте департамент басшысы айқайға басып, қол астындағы маманды балағаттайды. Комиссариат өкілдерінің жанжалы желіде қызу талқыға түсті. Ал Қорғаныс министрлігінің өкілдері әдеп сақтамаған қызметкердің әрекетін құптамаймыз деп отыр.