Қытай ұлттық орбита стансасында «Мэнтянь» зертханалық модулін іске қосты. Бұл туралы Almaty-akshamy.kz Inform.kz-ке сілтеме жасап хабарлайды.
Жергілікті уақыт бойынша шамамен 15:37-де Қытайдың оңтүстігіндегі Хайнань провинциясындағы Вэньчан ғарыш айлағынан Long March-5B зымыран тасымалдағышы ұшырылды.
Ғарыш станциясымен түйіскеннен кейін модуль микрогравитация, сұйықтық физикасы, материалтану және т.б. эксперименттер жүргізу үшін пайдаланылады.
«Вэньтянь» деп аталатын алдыңғы зертханалық модуль үш айдан астам уақыт жұмыс істеп тұр.
Қытай өз ғарыш стансасының құрылысын жыл соңына дейін аяқтауды көздеп отыр.
