ҚР газ желісі бір жылда 4 мың шақырымнан асты, апаттар саны 9-дан 19-ға дейін өсті
124 шақырымнан астам көше газ желісін жөндеу қажет.
2020 жылы Қазақстан Республикасында 1074 елді мекен газдандырылды, бұл 2019 жылмен салыстырғанда 6%-ға артық, деп хабарлады Almaty-akshamy.kz energyprom.kz сайтына сілтемелеп.
Газдандырылған елді мекендердің жартысынан астамы үш өңірде орналасқан: Батыс Қазақстан (230), Жамбыл (214) және Түркістан (148) облыстарында. Табиғи газ өткізілген елді мекендер республиканың 17 өңірінің 14-інде болды.
2020 жылы ҚР-да 4,2 мың км газ желісі жүргізілді, бұл 2019 жылмен салыстырғанда 6,3 есе көп; 2020 жылы 228,9 км желі істен шықты.
Жалпы алғанда, көшедегі газ желісінің ұзындығы 2020 жылдың соңында 32,7 мың км құрады, бұл өткен жылмен салыстырғанда 14,4%-ға артық.
Жөндеуді қажет ететін көшедегі газ желісінің ұзындығы бір жыл ішінде 14,1%-ға, 2020 жылы 124,1 км-ге дейін қысқарды. 2020 жылы 130,4 км газ желісі жөнделді.
Сонымен қатар, 2020 жылы 19 апат тіркелді. Салыстырмалы түрде айтар болсақ, 2019 жылы 9 апат тіркелсе, 2018 жылы 51 апат орын алған.
Табиғи газдың газ реттеу пункттерінің саны бір жылда 11,9%-ға өсіп, 1,5 мыңды құрады.
Орнатылған есептеу құралдарының саны 2020 жылы 28 мыңға жетті, бұл 2019 жылмен салыстырғанда 8%-ға көп.
Ең төменгі тарифтер Атырауда (1 текше метр үшін 8,1 тг), сондай-ақ Ақтау мен Ақтөбеде (1 текше метр газ үшін 10 тг) белгіленді. Табиғи газ үшін ең жоғары тариф Түркістан мен Шымкентте байқалды: 1 текше метр үшін 31,6 тг.
