Қостанай облысы ПД есірткі қылмысына қарсы іс-қимыл бөлімінің қызметкерлері жедел-іздестіру іс-шаралары барысында қызметтік итті пайдаланып, 38 жастағы жеке кәсіпкерді анықтап, ұстады. Ол тапсырыс бойынша жиһаз өндірумен айналысатын цехында жасыл түсті заттарды заңсыз сақтаған, деп хабарлайды aqshamnews.kz
Сараптама нәтижесінде тәркіленген заттардың 600 грамм гашиш және 500 грамм анаша екені анықталды. Айта кетерлігі, мұндай көлем аса ірі санатқа жатады.
Қазіргі таңда полиция аталған факті бойынша сотқа дейінгі тергеу жүргізуде. Есірткінің аса ірі партиясын өткізу мақсатында заңсыз сақтағаны үшін күдіктінің мүлкі тәркіленіп, ол 10 жылдан 15 жылға дейін бас бостандығынан айырылуы мүмкін.