Алматыда өткен кездесулерге бірқатар қоғам белсенділері мен сарапшылар қатысты, деп хабарлайды
Кездесуге қатысушылар қатарында ҚР Азаматтық альянсының президенті Бану Нұрғазиева, ҚР Президенті архивінің жанындағы Қоғамдық кеңестің төрағасы Борис Джапаров, Алматы қалалық мәслихатының депутаттары Алтынай Көбеева мен Бекбол Рамазан, М. Әуезов атындағы әдебиет және өнер институтының директоры Кенжехан Матыжанов, ядролық физика саласындағы қазақстандық ғалым Медеу Әбішев және басқа да саяси партия өкілдері болды.
Алғашқы кездесу Алматы қаласының Қоғамдық кеңесі мүшелерімен өтті. Бұл жиында АЭС құрылысын салу секілді маңызды жобаларға қатысты шешім қабылдау процесінде қоғамдық қатысудың маңызы талқыланды. Қоғамның белсенді қатысуы «Әділетті Қазақстан» құруда шешуші рөл атқаратыны ерекше атап өтілді.
Сондай-ақ, Ядролық физика институтының қызметкерлерімен кездесу ұйымдастырылды. Бұл кездесуде АЭС қауіпсіздігі мәселелері басты назарда болды. Институт өкілдері халықаралық қауіпсіздік стандарттары мен ықтимал апаттық жағдайлардың алдын алу шаралары туралы баяндады.