Жаңа төраға
ҚР Қаржы министрінің бұйрығымен Рахат Келдібайұлы Тоқбаев ҚР Қаржы министрлігінің Қазынашылық комитетінің төрағасы қызметіне тағайындалды, деп хабарлайды Almaty-akshamy.kz
Бұл туралы ҚР Премьер-Министрінің баспасөз қызметі хабарлайды.
Рахат Тоқбаев 1965 жылы Ақмола облысында дүниеге келген. Алматы халық шаруашылығы институтын, «Тұран» университетін бітірген.
Еңбек жолы:
– 1982 жылы Атбасар жөндеу-механикалық зауытында темір ұстасының шәкірті болып бастады.
– 1985 жылдан 1998 жылға дейін қаржы-несие мекемелерінде жұмыс істеді.
– 1998-2001 жылдары – Астана қаласы бойынша Қазынашылық басқармасының валюталық операциялар бөлімінің басшысы.
– 2001-2006 жылдары – Астана қаласы бойынша Қазынашылық департаменті басшысының орынбасары, Қаржы департаменті басшысының орынбасары.
– 2007-2013 жылдары – Астана қаласы бойынша Қазынашылық департаментінің басшысы.
– 2013-2021 жылдары – ҚР Қаржы министрлігінің Қазынашылық комитетінің Қазынашылық департаментінің басшысы.
– 2021 жылғы мамырдан бастап қазіргі уақытқа дейін ҚР Қаржы министрлігінің Қазынашылық комитеті төрағасының орынбасары қызметін атқарды.