Теннистен Қазақстанның құрамасы Аустралияда өтіп жатқан аралас командалар арасындағы United Cup турнирінің ширек финалына бірінші орынмен шықты.
Еске сала кетейік, біздің құрама С тобына түскен еді. Бірінші кездесуде қазақстандық теннисшілер Испанияны 2:1 есебімен жеңді, деп хабарлайды aqshamnews.kz Ұлттық олимпиада комитетіне сілтеме жасап.
Екінші матчта Қазақстанға қарсылас ретінде Грекия шықты. Александр Шевченко әлемнің 11-ракеткасы Стефанос Циципасты 6:4, 7:6 есебімен жеңді.
Кейіннен Елена Рыбакина Мария Саккариді 6:4, 6:3 есебімен ұтып, Қазақстанды мерзімінен бұрын ширек финалға шығарды. Грекияға қарсы матчтағы үшінші ойын турнирлік маңызға ие болмайды.
Айта кетейік, біздің құрама плей-офф кезеңіне бірінші орынмен шықты.
Келесі қарсылас кейінірек анықталады.