Қазақстандық тележурналист Диля Ибрагимова қайтыс болды. Ол ұзақ жылдар бойы "Хабар" және КТК телеарналарында спорт жаңалықтарын жүргізіп келген, - деп хабарлайды aqshamnews.kz тілшісі.
Мәдениет және ақпарат министрлігі белгілі тележурналистің қазасына байланысты туған-туыстарына, жақындары мен әріптестеріне көңіл айтты.
"Диля Ибрагимова ұзақ жылдар бойы "Хабар" және "КТК" телеарналарында спорт жаңалықтарын жүргізіп, қазақстандық спорт журналистикасының ең танымал және сүйікті тұлғаларының бірі болды. Отандық журналистиканың дамуына өзіндік зор үлес қосты. Өзінің кәсіби білімі мен азаматтық ұстанымы арқылы жас буынға үлгі бола білген ардақты жанның жарқын бейнесі туған халқының жадында мәңгі сақталады деп сенеміз", - делінген хабарламада.
Бірнеше жыл бұрын Диляға "прогрессив көпошақты лейкоэнцефалопатия" деген диагноз қойылған еді.
