Алматыда ММА бойынша Octagon 34 турнирінде Қазақстан мен Өзбекстан арасындағы екінші кездесу өтті, деп хабарлайды Almaty-akshamy.kz inform.kz-ке сілтеме жасап.
Қазақстандық Әлішер Ғазиз (1-0) Өзбекстан спортшысы Асилбек Инамовпен (1-0) белдесті.
Бұл жекпе-жек жеңіл салмақ дәрежесінде өтті және үш раундқа жоспарланған болатын. Ол Ғазиздің екінші раундта жеңіске жетуімен аяқталды.
Осылайша, Әлішер Ғазиз кәсіпқой мансабындағы екінші жекпе-жегінде жеңіске жетсе, Асилбек Инамов үшін бұл жеңіліс бірінші болды.
Еске салайық, осыған дейін Octagon 34 турнирінде қазақстандық Евгений Сурин (1-1) мен өзбекстандық Дониер Якубжонов (3-3) арасында жекпе-жек өтіп, онда Якубжонов қарсыласын екінші раундта тұншықтырып жеңген болатын.