Ирландияның Дублин қаласында географиядан IGeO-2024 халықаралық олимпиадасы басталды.
Бұл жарысқа 50 ел қатысып жатыр. Еліміздің құрама командасында төрт оқушы бар, деп хабарлайды aqshamnews.kz Оқу-ағарту министрлігіне сілтеме жасап.
Команда құрамында:
Ақжол Болат — ФМБ НЗМ, 11-сынып оқушысы, Талдыкорған қаласы;
Арсен Сыдықов —ХББ НЗМ, 11-сынып оқушысы, Шымкент қаласы;
Қанат Серікбай — ХББ НЗМ, 11-сынып оқушысы, Шымкент қаласы;
Жомарт Сабыр — Дарынды балаларға арналған мамандандырылған «Дарын» лицей-интернатының 11-сынып оқушысы, Жамбыл облысы.
Команда жетекшілері: Нұрлан Жұмагелді - «Дарын» РҒПО директордың орынбасары, Мақсат Аубакиров - «Дарын» РҒПО бөлім басшысы.
Анықтама үшін: IGeO 1996 жылдан бері IGU Халықаралық географиялық одағының қолдауымен өткізіліп келеді. Жарысқа 16-19 жас аралығындағы ұлттық олимпиадалардың жеңімпаздары қатысады. Негізгі мақсаты — оқушылардың география мен қоршаған орта туралы басқа да ғылымдарға қызығушылығын арттыру және халықаралық байланыстарды дамыту. Бұл халықаралық білім додасында Қазақстан құрамасы 2023 жылы 1 алтын және 1 қола медаль жеңіп алды.