Кәсіпорындарға ең үздік қолжетімді технологияларды енгізеді.
Қазақстанның бас эколог маманы Мағзұм Мырзағалиев мемлекеттегі лас қалалардың экологиясын қалай жақсартатынын айтты, деп хабарлайды Almaty-akshamy.kz.
Экологиялық мониторингтің нәтижесі бойынша Теміртау, Нұр-Сұлтан, Алматы, Ақтөбе, Атырау, Өскемен, Қарағанды, Балқаш, Жезқазған, Шымкент қалалары атмосфералық ауаның жоғары ластануымен сипатталып отыр.
Бұл қалалардың экологиясын жақсатру үшін, экологтардың айтуынша, Экологиялық кодекске сәйкес, кәсіпорындар ең үздік қолжетімді технологияларды енгізеді.
«Министрлік пен кәсіпорындардың арасында меморандумдар мен жол карталарына қол қойылды. Оларға сәйкес, кәсіпорындар шығарындыларды 20% пайыздан 30% пайызға дейін қысқартуды жоспарлап отыр. 10 қаладағы бірінші санаттағы кәсіпорындар үшін 2025 жылға қарай шығарындылар лимиті 20% пайызға төмендетілетін болады»,– делінген Экология министрлігінің баспасөз қызметінің хабарламасында.
Сондай-ақ, Мағзұм Мырзағалиев шығарындыларды азайту мақсатында әкімдіктер елді мекендер мен шаруашылық субъектілерін газдандыруды жалғастыру қажет екенін айтты. Сонымен қатар қоғамдық және коммуналдық көлікті газ және электр көлігіне ауыстыру жұмыстарын одан әрі жүзеге асыру керек.