Қазақстандағы ең жас әкім 27 жаста. Сағынжан Тұрақбаев - Маңғыстау облысы Маңғыстау ауданы Шебір ауылдық округінің әкімі. Ең жас әкім 2024 жылы сайланған, - деп хабарлайды aqshamnews.kz тілшісі.
"Жаспын деп еркелеуге болмайды. Барлық іске жауапкершілік керек. Ауыл тұрғындарының сенімі мен аманаты бар. Сондықтан бәріміз бірге жұмыла жұмыс істеп жатырмыз", - дейді Сағынжан Тұрақбаев "Қазақстан" телеарнасына берген сұхбатында.
Айта кетейік, бүгін Астанада Мемлекет басшысының қатысуымен алғаш рет ауыл әкімдерінің диалог-платформасы өтіп жатыр.
Сағынжан Тұрақбаев туралы не белгілі?
Әкім 2019 жылы Қазақ Ұлттық Аграрлық университетіне оқуға түскен.
Мансап
03.03.2020 - 01.06.2020 Жастар практикасы, Шебір ауылдық округі әкімінің аппараты
01.06.2020 - 26.07.2020 Бас маман, Шебір ауылдық округі әкімінің аппараты, Шебір ауылы
27.07.2020 - 31.10.2023 Бас маман, Шебір ауылдық округі әкімінің аппараты, Шебір ауылы
01.11.2023 - 12.03.2024 "Тұщықұдық ауылдық округі әкімі аппараты" ММ бас маманы, Тұщықұдық ауылы
18.03.2024 - бүгінгі күнге дейін Шебір ауылдық округінің әкімі қызметтерін атқарған.