Батыс пен солтүстікте жел күшейіп, жаңбыр жауады.
«Қазгидромет» мамандары 2-4 сәуір күндері аралығында ауа райы қандай болатынын болжады, деп хабарлайды Almaty-akshamy.kz.
«Алдағы демалыс күндері батыстан кезекті Атлантика циклоны ығысып, жауын-шашын әкеледі. Еліміздің батысында және солтүстігінде жел күшейіп, жаңбыр жауады. Республиканың басқа бөлігінде қысымның жоғары болуына байланысты жауын-шашын болмайды.
Ираннан жылжып келетін жылы ауа массаларымен Қазақстанның барлық аумағында ауа температурасы көтеріледі: батыста +15+23 градусқа дейін, солтүстікте, орталықта және шығыста +8+18 градусқа дейін, республиканың оңтүстігінде +17+25 градусқа дейін жылы болады», - делінген синоптиктер хабарламасында.