Қазақстанда АЭС салу міндетті түрде қажет. Қазірдің өзінде елімізде электр энергиясы тапшылығы байқалуда, ал басқа энергия көздерімен жағдай оңай емес.
Біздің гидроэнергиямыз жеткіліксіз, табиғи газ өте қымбат. Көмірді пайдалану экологияға кері әсер етіп, үлкен көлемде көмірқышқыл газының шығуына әкеледі. Бұл компаниялар үшін қомақты айыппұлдарға себеп болуда.
Мысалы, Германияны алайық. Өткен жылы Германия атом энергетикасынан толықтай бас тартты. Онда 1 киловатт-сағат электр энергиясының орташа құны шамамен 30 еуроцентті құрайды, бұл шамамен 144 теңгеге тең. Үш адамнан тұратын отбасы жылына 2500 киловатт-сағат энергия тұтынады, бұл шамамен 750 еуроны немесе 400 000 теңгені құрайды.
Қазіргі таңда Германияда электр энергиясын өндіру үшін көмірді жағу тиімдірек болып тұр, ал жел мен күн электр станцияларының үлесі 47%-ды құраса да, бұл энергияны пайдалану қымбат және тиімді емес.
Халықаралық тәжірибе көрсетіп отырғандай, Қазақстан үшін АЭС салу ең дұрыс шешім. Бұл бізге энергетикалық тәуелсіздікті қамтамасыз етіп, электр энергиясының қолжетімділігін арттыруға мүмкіндік береді.